Aðstoð í daglegu lífi
Bókaðu símtal

Bókaðu símtal og við finnum út úr því saman hvaða þjónusta hentar þér. Ef þú ert á aldrinum 18 til 67 ára og þarft aðstoð við athafnir daglegs lífs bókum við í framhaldinu viðtal við ráðgjafa sem aðstoðar þig.

Hvað gerist eftir að ég bóka símtal?

1

Þú færð leiðbeiningar í gegnum síma

Þegar við hringjum í þig þarft þú að svara nokkrum spurningum. Svo finnum við ráðgjafa sem hentar þér og bókum tíma fyrir ykkur til að hittast og tala saman. Ef þú vilt hafa einhvern með þér í viðtalinu er gott að taka það fram í símtalinu.

2

Þú hittir ráðgjafa

Þú hittir ráðgjafa og þið skoðið saman hvaða þjónusta gæti hentað þér og hver næstu skref eru. Stundum þarf að hittast oftar en einu sinni.

3

Þið ráðgjafinn verðið í reglulegum samskiptum

Ráðgjafinn verður þér til halds og trausts og hjálpar þér að sækja um þjónustu og leysa ýmis mál. Ekki hika við að hringja í ráðgjafann ef þig vantar aðstoð.

Viltu lesa nánar um þjónustuna?

Spurt & svarað

Við mælum með að panta símtal til að fá upplýsingar um þá þjónustu sem er í boði fyrir þig. Hér eru svör við nokkrum algengum spurningum:

Á ég rétt á þjónustu?

Þú getur átt rétt á þjónustu ef þú sýnir fram á staðfestingu á fötlun eða hefur nýverið flutt til Reykjavíkur. Til að finna út hvort þú eigir rétt á þjónustu er best að panta símtal og við getum upplýst þig um næstu skref.

Hvað gerist ef ég á ekki rétt á þjónustu?

Ráðgjafinn skoðar með þér möguleikana og þið ákveðið svo saman næstu skref.

Þarf ég að fara á staðinn í viðtalinu?

Nei. Þú getur líka talað við ráðgjafa í gegnum síma eða á fjarfundi. Saman ákveðið þið svo næstu skref, til dæmis hvar þið viljið hittast.

Hvernig er best að finna þjónustuna sem ég á rétt á?

Í símtalinu færð þú upplýsingar um hvaða þjónusta er í boði fyrir þig. Þú og ráðgjafinn þinn ákveðið í sameiningu hvernig þjónustunni verði háttað og hvað hentar best fyrir þig. Ráðgjafinn getur verið í reglulegum samskiptum við þig og upplýst um hvernig við veitum þessa þjónustu.